ابنا: المحیط نیوز ویب سائٹ نے رپورٹ دی ہے کہ امریکہ کے نائب صدرجو بائڈن نے بحرین کے ولیعہد سلمان بن حمد آل خلیفہ کے ساتھ ٹیلیفون پر گفتگو میں آل خلیفہ حکومت کی جانب سے عوام کو کچلنے کی بھر پور حمایت کی ہے۔ بائڈن نے کہا کہ بحرینی حکومت نے بحرینی عوام کو کچلنے اور قانون نافذ کرنے کے لئے اہم اقدامات انجام دیئے ہیں لیکن اس کے ساتھ اصلاحات کی بھی ضرورت ہے تاکہ عوام کے مطالبات کو پورا کیا جاسکے!!!۔ (دنیا کی آنکھوں میں آنکھیں ڈآل کرنے کے لئے بھی امریکی وقاحت ہی چاہئے)۔واضح رہے کہ بحرینی عوام کے پرامن مظاہروں کو کچلنے کے لئے امریکہ کے اشارے پر سعودی عرب نے اپنی فوج بحرین میں روانہ کی جس نے بحرین کے عوام کو اپنی بربریت اور جرم و جنایت کا نشانہ بنایا سعودی فوجیوں کے حملوں میں سرکاری اطلاعات کے مطابق 16 افراد شہید ہوئے ہیں جبکہ غیر سرکاری اطلاعات کے مطابق اب تک 25 افراد کی شہادت کی تصدیق ہوگئی ہے جبکہ سو سے زائد افراد لاپتہ ہیں اور ان افراد کی بارے میں کہا جاتا ہے کہ انہیں مختلف مواقع پر اغوا کیا گیا اور شاید انہیں آل خلیفہ اور آل سعود کے سفاک جلادوں نے شہید کردیا ہو۔ آل خلیفی - آل نہیانی اور آل خلیفی فوجیوں نے اسپتالوں کا محاصرہ کرکے زخمیوں کے علاج میں بھی بڑے پیمانے پر رکاوٹ ڈالی جس کی وجہ سے بہت زيادہ جانی نقصان ہوا ہے۔آل خلیفہ - آل نہیان - آل صباح - آل ثانی اور خاص طور پر آل سعود یہودیوں کے حامی اور امریکہ نواز حکمراں ہیں جو مسلمانوں کی پشت میں خنجر گھونپ رہے ہیں۔بشکریہ از مہر خبررساں ایجنسی۔۔۔۔۔۔۔۔۔۔۔۔
/110
